رێنمایی

كورته‌یه‌ك له‌ باره‌ی ناساندی زانكۆی زادی

موژده‌ بۆ دینداران و فێرخوازانی زانسته‌ شه‌رعییه‌كان، ماڵپه‌ریی زادی ڕێمان كه‌ سه‌ر به‌ زانكۆی ئازادی دیراساتی ئیسلامیی (زادی)یه‌ به‌ شێوه‌یه‌كی نوێ به‌ هه‌ردوو زمانی كوردی و فارسی هاته‌وه‌ خزمه‌تی زانست خوازان و خوێنه‌رانی بواره‌ شه‌رعییه‌كان

هه‌وه‌رها زانكۆكه‌مان موژده‌ ده‌داته‌ فێرخوازانی كه‌ قۆناغی نوێی خوێندكاریی (ناوه‌ندی نیدا و فه‌قێیه‌تی) زیاد كردووه، و به‌ شێوه‌یه‌كی نوێ پێشكه‌شی زانسخوازانی كوردی موسڵمانیان ده‌كات

ماڵپه‌ریی نوێی زادی به‌ كۆمه‌ڵێك به‌شی گرنگی بواره‌كانی شه‌رعناسی له‌ عه‌قیده‌و فیكرو قورئانه‌وانی و فه‌رمووده‌وانی و شه‌عرزانی و بانگه‌واز و مـێژوو و ژیانی پێشه‌وایان و زمانه‌وانی و ره‌فتارناسی و كۆمه‌ڵێك به‌شی تری گرنگ دێته‌ خزمه‌تی موسڵمانان

به‌شی كتێبخانه‌ی ماڵپه‌ری زادی ڕێمان كه‌ به‌ هه‌ر سێ زمانی كوردی و عه‌ره‌بی و فارسیی كراوه‌ته‌وه‌، ده‌بێته‌ سه‌رچاوه‌یه‌كی گرنگ بۆ خوێنه‌ران و ئاماده‌كارانی ڕاپۆرت و توێژینه‌وه‌ی زانستی

به‌شی ده‌نگ و ڕه‌نگ له‌ ماڵپه‌ری زادی ڕێمان ووتاریی هه‌موو مامۆستایه‌كی عه‌مامه‌ پاك و حه‌قبێژ له‌ خۆده‌گرێت

ئه‌مانه‌و چه‌ندان به‌شی تری گرنگ، كه‌ له‌ ده‌رباره‌ی سایته‌كه‌ ئاماژه‌یان پێكراوه‌ كه‌ هه‌ر به‌شه‌یان له‌ چ بوارێك خزمه‌ت ده‌كه‌ن

زانكۆی زادی

ئاراسته‌ و مه‌نهه‌ج و چۆنییه‌تی خوێندن تێیدا

   دیدو تێڕوانیـنی موسوڵمان هەر لەسەرەتایەوە لەو روانگەوە دێت کە ئەم گەردوون و ژیان و مرۆڤە یەک کردگاریان هەیە کە خوای تاکوپاکە. ئەم خواتاکە بێوێنەیە. موفرەداتەکانی ئەم سێ شتەی بە وەحی روونکردۆتەوە. وەحییەکە پەیامی خوای گەورەیە کە راستەوخۆ بە فریشتەی ئەمینداری وەحییدا کە جیبریله‌ ناردوێتی.. موسوڵمان قەناعەتی بەوەیە کە هەموو ئایەتەکانی قورئان و فەرموودەکانی پێغەمبەری خوا صلی اللە علیە وسلم بۆ روونکردنەوەی ئەوە هاتوون کە ئەوە لای مرۆڤ بسەلمێنن و بچەسپێنن کە خوای تاک و پاک (حەق)ەو هەرچی ناردوێتی هەر حەقە. وەک دەفەرموێ: (وَبِالْحَقِّ أَنزَلْنَاهُ وَبِالْحَقِّ نَزَلَ) الإسراء/105...

 ئەم دیدی حەقناسییە مرۆڤ بەرەو جێبەجێکردنی ئەرکی (ئیستیخلاف: بریکاریی) دەبات، بریکاریی خوای تاکوپاک، کە بریتییە لەو ئەرکەی خوای تاکوپاک ئەم مرۆڤەی بۆ خەلقکردو ناردیە سەر زەمین بۆی. ئەم بریکارییە چەندین ڕوکنی هەیە، کە ئێمە دەمانەوێت -بۆ ئاسانکاریی خوێندنیان- بە 4 سێگۆشە نیشانیان بدەین:

یه‌كه‌م: سێگۆشەی خواناسیی:

   ناسینی خوای کردگار، بەو شیوەیەی کە پێغەمبەران سەلامی خوایان لێ بێت روونیانکردۆتەوە، ئینجا زانینی ماف و ئەرکی خواپەرستیی و بۆخوائەنجامدانی پەرستنەکان، ئینجا حاکمێتی دینی خوا (سەروەرێتی شەرع) و ژیان بۆی.. ئەم سیانە سێگۆشەیەکن کە گۆشەکانی بریتین لە (پەروەردگارێتی: الربوبیة) و (خوایەتی: الألوهیة) و (حاکمێتی: الحاکمیة)..  بەم سێ روکنەو باسەکانی تری باوەڕ دەوترێت: (عەقیدە یان تەوحید)..

دووه‌م: سێگۆشەی عەقیدە:

   لەگەڵ وەرگرتنی رێساو بنەماکانی عەقیدەکەدا دەبێت دروشمەکانی خواپەرستیی (عیبادەت) ئەنجام بدرێت کە ئەمانیش رێساو بنەماو لقی حوکمی شەرعیی زۆریان هەیە.. ئەم عەقیدەو عیبادەتە بە بێ (شەریعەت) نابن، کە بریتییە لە پابەندبوونی موسوڵمانەکە بە حوکمەکانی شەرعەوە دەربارەی رەفتارو سەوداومامەڵەو بزاوت و هەڵوێستی تاکوکۆی کۆمەڵگەو دەوڵەتی ئیسلامی.. ئاوا ئەمانەش دەبنەوە بە سێگۆشەیەکی تر کە گۆشەکانی بریتیین لە (عەقیدە)و (عیبادەت) و (شەریعەت)..

سێیه‌م: سێگۆشەی مەنهەج:

   گۆشەکانی ئەو دوو سێگۆشەیە مەنهەجی ئەو (ئیسلام)ەن کە موسوڵمان باوەڕی پێدەهێنێت، کە خوای گەورە بە وەحیی خۆی روونی کردوونەتەوە.. ئەو کەسانەی ئاوا باوەڕ بەم (ئیسلام)ە دەهێنن، لە ناوخۆیاندا کۆمەڵکارییەکی (ئوممەت)یی عەقائیدیی پێکدەهێنن.. ئەم ئوممەتە بەبانگەوازی ئەو ئیسلامەوە پابەند دەبێت و دەکەوێتە (بیان: روونکردنەوە) و (بلاغ: گەیاندن) و(شاهیدیدان) و (دعوة: بانگهێشتکردن).. ئاوا خەڵکی بۆ ئیسلامەکە بانگدەکات، تا ئەوانیش باوەڕی پێبهێنن و پێوەی پابەندبن. ئینجا بە هەموویان و بە مەنهەجی ئیسلامەکە (بزاوت)ێکی گۆڕانکاریی لە ناو کۆمەڵگە جاهیلییەکەی دەوروبەریاندا دروستدەکەن. ئەمەش سێگۆشەیەکی ترە، کە گۆشەکانی بریتین لە: (ئیسلام)و (ئوممەتی عەقائیدیی) و (بزاوتی گۆڕانکاریی)

چواره‌م: سێگۆشەی سەروەریی شەرع:

   کاتێک تاکوکۆی خەڵکانێک لەسەر ئەم چەمکانە پەروەردە دەبن و سەرڕاستانە بۆ دینی خوا لێدەبڕین، ئیتر پشوودرێژانە ووزەو توانایان بە پێی ئاڕاستەکانی قورئان و قۆناغەکانی سییرەی پێغەمبەری خوا صلی اللە علیە وسلم دەخەنەگەڕ، بە ئومێدی سەلماندن و چەسپاندنی سێگۆشەی سەرەورێتی شەرع کە گۆشەکانی بریتیین لە: (حوکمی خیلافەتی راشیدە) (دەستووری شەرع) و(کۆمەڵگەی ئیسلامی)

   ئەم بنەما ئوصووڵیانەی تێگەیشتنی ئیسلام کە لەسەرەوە بە کورتی ئاماژەمان پێدا، لای هیچ کەسێک بە ووتاری هەینی و کۆڕی گشتی و بە خوێندنەوەی سەرپێیی کتێب ناچەسپن، بەڵکو دەبێت بە شێوازی دەرسخوێندنی مەنهەجی بخوێندرێن و بەدووداچوونیان بۆ بکرێت و خوێندکارانی تاقیکردنەوەی تێدا بدەن، تا ئاستی تێگەیشتنی خۆیان بزانن.. لەبەر ئەمەیە ئێمە لە زانکۆی دیراساتی ئیسلامی (زادی)  بوارێکی باشی خوێندنمان بۆ ئەوانە کردۆتەوە، کە حەزیان لە تێگەیشتنی ئیسلامەکەیەو بە گیانی بەرپرسێتییەوە بۆ ئەرکە دینییەکانی خۆیان دەڕوانن و دەیانەوێت بەو شێوەیە ئەدایانکەن کە خوای گەورە دەیەوێت.

 

خوێندن لە (زادی) ئەم قۆناغانەیە

یەکەم: خوێندنی ناوەندی دیراساتی ئیسلامی (ندا): سێ پۆلەو بۆ ئاستی ئەو کەسانەیە کە خوێندنی (بنەڕەتیی) سەرەتایی و ناوەندییان لە کوردستان خوێندووەو تەمەنیان لە 15 ساڵی وبەرەوژوورەو پێشتر هیچ خول خوێندێكی شه‌رعییان نه‌بینیوه‌. دەرچووانی ئه‌م به‌شه‌ بڕوانامەی (رۆشنبیری ئیسلامی) وەردەگرن.

ئه‌م خوێندنه‌ بریتییه‌ له‌ سێ پۆل هه‌ر پۆله‌ی كۆمه‌ڵێك 10 كتێبی لێ ده‌خوێندرێت، له‌ بواره‌كانی: عه‌قیده‌، و قوئانه‌وانی، و فه‌رمووده‌وانی، و شه‌رعزانی، و هزره‌وانی، و ئاداب و بانگه‌واز و، زمانه‌وانی، و ڕێبازی پێغه‌مبه‌ران، و زیانی پێشه‌وایان، و ره‌فتارناسی

دووەم: خوێندنی ئامادەیی ئامەدی ئیسلامی: سێ پۆلەو بۆ ئاستی ئەو کەسانەیە کە خوێندنی سانەوی (دواناوەندی) یان لە کوردستان خوێندووەو تەمەنیان وا لە 18 ساڵیی و بەرەوژووردا یه‌و له‌ تاقی كردنه‌وه‌ی هه‌ڵسه‌نگاندنی زانكۆی زادی سه‌ركه‌وتووبوون.. دەرچووان بڕوانامەی (چالاکوانی ئیسلامی) وەردەگرن.

ئه‌م خوێندنه‌ش سێ ئاسته‌و له‌هه‌موو ئاسته‌كان ته‌واوی بواره‌كانی زانستی شه‌رعیی ده‌خوێندرێت

سێیەم: پەیمانگای ئیبنوتەیمییە: دوو قۆناغه‌و بۆ ئاستی ئەو کەسانەیە کە خوێندنی ئامادەیی ئامەدی ئیسلامی لای خۆمانیان تەواوکردووە، یان (فەقێیەتی) یان خوێندووە، کە دەبێ لە هەردوو ئیمتیحانی زمانی عەرەبی و زانستە شەرعییەکاندا دەرچن. پۆلی یەکەمی پەیمانگا رەسەنکردنەوەی بوارەکانی زانستی شەرعین بە بەڵگەکانیان. پۆلی دووەم پوختەی هەموو بوارەکانی زانستی شەرعیی دەخوێنێت، تا خۆی ئامادە بکات بۆ ئەو بوارەی دەیەوێت بیکاتە تایبەتمەندیی خۆی. دەرچووانی پەیمانگا بڕوانامەی (شارەزای ئیسلامی) وەردەگرن.

 

چوارەم: تایبەتمەندیی زادی: دوو پۆلە. لە پۆلی یەکەمیاندا لەو بوارەی خوێندندا قاڵو قووڵ دەبێتەوە کە هەڵیبژاردووە. پۆلی دووەمیشی تەرخانە بۆ نوسینی بەحسێکی ئەکادیمی کە موناقەشە دەکرێت، تا تایبەتمەندێتی (تخصص) وەربگرێت تێیدا. دەرچووان بڕوانامەی (پسپۆڕی ئیسلامی) وەردەگرن، کە بەرامبەر ماستەری خوێندنی ئەکادیمی ترە.

بۆ بینینی ته‌واوی ڤیدۆكه‌ كرته‌ بكه‌

 

657 جار خوێندراوه‌ته‌وه‌
26/08/2018
بڵاوكردنه‌وه‌ی بابه‌ته‌كان مافی هه‌موو كه‌سێكه‌ به‌مه‌رجێك ئاماژه‌ به‌ سه‌رچاوه‌كه‌ی بدات.